Ferðalagið okkar

Inniskórnir eiga uppruna sinn í heimalandi meðstofnanda okkar, sem hafði lengi dreymt um að koma með eitthvað einstakt frá Kirgistan til Íslands. Eitthvað heiðarlegt, verðmætt og tengt báðum menningarheimum. Þá tengingu fundum við í ullinni og handverkinu sem fylgir henni.

Í aldaraðir hafa kindur verið ómissandi hluti af lífinu bæði í Kirgistan og á Íslandi. Þjóðir mótaðar af köldum vetrum, háum fjöllum og hrjúfri náttúru, umhverfi þar sem ullin veitti hlýju, vernd og þægindi. Ullin er meira en efni — hún ber með sér hefð, sögu og tengingu milli landa.

Kindurnar á hálendi Kirgistan hafa þróað með sér náttúrulega krullaða ull sem mótast af hrjúfu fjallaloftslaginu. Ullin er bæði mjúk og sterk sem skapar þétt og endingargott þæft efni sem hentar vel fyrir skófatnað og kalt veður.

Við vinnum náið með framleiðanda í Kirgistan þar sem hefðbundið handverk og kynslóðalöng þekking á þæfingu er enn stór hluti af framleiðsluferlinu.

Samfélagsleg ábyrgð

Við setjum Rýja ekki fram sem fullkomlega sjálfbært vörumerki. Framleiðsla nýrra vara hefur óhjákvæmilega áhrif á umhverfið og við teljum mikilvægt að viðurkenna það opinskátt.

Hinsvegar leggjum við okkur fram um að starfa eins ábyrgt og mögulegt er með því að velja hráefni af kostgæfni, fylgja sanngjörnum viðskiptaháttum og huga vel að framleiðsluferlinu. Við vinnum með vottaða náttúrulega ull og leggjum áherslu á gæði, endingu og langan líftíma vara til að ýta undir hægari og meðvitaðri neyslu.

Á hverju stigi ferlisins – frá öflun hráefna til þæfingar og frágangs – er unnið af umhyggju fyrir fólki, dýrum og umhverfinu. Við endurmetum reglulega efni okkar og vinnuaðferðir með það að markmiði að draga úr áhrifum okkar á umhverfið og taka ábyrgari ákvarðanir eftir því sem vörumerkið vex.

OEKO-TEX® Vottað

Þæfða ullin sem notuð er í inniskóna okkar er vottuð samkvæmt OEKO-TEX® STANDARD 100, sem tryggir að hún sé örugg, náttúruleg og laus við skaðleg efni. Hvert par er handgert af alúð og nákvæmni og endurspeglar áherslu okkar á gæði, þægindi og endingu.